泰之旅2011 ── 曼谷(3) SPA & SHOPPING篇

曼谷另一超吸引就係SPA同按摩！我地係曼谷5日，唔計頭尾2日，其餘3日則唔係spa就按摩，爽爆！


上次去左DVN同LET'S RELAX，DVN好正，LET'S RELAX好垃圾。


今次本來想再 encore DVN，但朋友仔識人係BKK開按摩店，又即管試下囉。
都唔錯的，不過又係珠玉在前，環境冇得同DVN比，但第一次試個 Herbal ball，都幾舒服的，不過覺得稍貴囉。玩完個茶點好豐富。

第二日去左朋友介紹另一間小店，平，500b / 2hr，今次試泰式按摩，浩浩成日話佢當年按得幾咁舒服咁，今次叫見識過，不過真係睇好唔好彩，遇唔遇到個好師傅。
幫我按的阿嬸按得我好舒服，陰力位準，但有兩個朋友都覺得好唔得。

最後，見係酒店旁有幾間按摩小店，呢間門面唔錯，價錢又唔貴，見有少少時間，快來兩個鐘先，入到去竟然俾我地見到有個超抵的「四手按摩」！
傳聞中的「四手按摩」！平時我地幫貓貓們就做得多，今次真係第一次！仲要好抵，550b / 2hr / 2 staff 咋！仲要幾舒服添！搞到心思思上機前再encore一次，不過唔夠時間。

****************************************

其實宜家係bkk shopping 因為匯率高，冇以前抵得咁誇張，但去旅行，買下野都係開心的，仲有手信野食咁，同埋相比香港，有些還是ok的。


1) 翟道翟 JJ MARKET

其實呢個巿集本來俾我同浩浩black list左的了，因為以前有個夜巿suan lum night bazaar，同jj market賣的野、價錢差唔多，唔使曬又涼爽，都唔知點解要去逼，果年我地2個鐘便頂唔順撤退了。
但朋友仔未去過，於是捨命陪君子，再勇戰翟道翟！

星期六仲下大雨，好彩星期日便天晴，但未至於熱到想死。

定左2個鐘先，大家各自行，仲whatsapp大家聯絡，幾好！
反正都係要係度，專攻手信同埋得意野，估唔到大豐收，毫無目標下都買左好多野！好後悔冇買多兩條裙褲呢！

2)  Central World
受媽媽所托，要幫佢買蝴蝶袋，另外浩浩想買 Levis，冷氣商場行得舒服好多！結果仲買左GAP添，不過間Asensal 專門店冇左了。
而 Nike、Addidas等仲貴過香港，行到最後，基本冇sale而香港有分店的舖基本都可以唔入了，香港要買乜冇姐。

3) 話咁快到左最後一日，我地2點機，book左車11點係酒店走，但諗諗下都係有d野想再買，於是最後一日，我同浩浩兩個終於「自由行」。
8點幾執好晒行李，冇食酒店早餐，乘1個站BTS去左SIAM，商場開10點，9點去左STARBUCKS食個悠閒早餐先！

然後10點正極速有目標地掃左3個商場！11點準時番到酒店！
MISSION COMPLETED！
( 但買漏左PARAGON的芒果糯米飯！)

4) 最後去到機場，仲要繼續血拼！
用晒身上所有的泰幣買晒芒果糯米飯，3個！1個媽媽1個弟弟1個我自己！哈哈哈哈！

登登登登！所有的戰利品SHOW OFF！最中意呢D震撼場面！

泰之旅2011 ── 曼谷(1)住宿篇

泰之旅2011 ── 曼谷(2) 美食篇



泰之旅2011 ── 工具 及 交通篇