泰之旅2011 ── 工具 及 交通篇

次次去泰國都有睇下呢個討論區做下資料搜集先出發，不竟旅遊書人人都手有一本，但通常都未係最update，同埋有些評價同優惠係書仔唔會有的，但討論人多，一人講少少都好好了。

就係呢個泰友營！其實仲有其他，但呢個最有系統、更新最好，也keep住人流多。


今次就係因為呢個 forum，俾我發現左好多超有用的資訊，想分享下！


*******************************************
以前去旅行多數用漫遊，超貴，所以多做緊急聯絡，都有試過買當地的電話咭，上網就靠酒店有冇免費，有就用冇就算。

但原來泰國有上網的電話咭賣，仲唔貴添！
常用的係DTAC ( 即香港數碼通 )，89B 買張咭，然後增值 ( TOPUP )來用，佢按數據使用計錢，但MAX都係收你49B，為番10元港紙多少少，以旅行流動通訊來說好抵！
打番香港都係3B / 分鐘，乜漫遊都唔得！

你知IPHONE冇得上網 = 冇 function 咁濟的嘛，我地係機場增值左200B，佢幫我 set 好晒所有野，即刻用得！

( 香港有AGENT有得賣，可做定飛線添！詳情上討論區看，我地係機場買。)

( 其實仲有朋友用另一間TRUE，我見都好好，據說仲平，但我冇研究，也就算了。)



呢幾日最好的係找地圖，俾你知自己位置，的士司機唔識路時都可以去到咁上下話佢知邊個路口轉。
我地又試過個司機完全唔知間酒店係邊，又唔識睇英文，於是我上網找埋個地圖同泰文地址佢睇，睇完佢已經知大概位置，去到附近我再睇住IPHONE個地圖話佢知邊個路口方向咁，好快便找到。

除此之外，呢幾日我仲日日同媽媽傾電話，順便問候貓貓情況 ( 媽媽幫我照顧佢地 )。

仲日日WHATSAPP 同 FACEBOOK！( 呢個對我唔係最重要的FUNCTION，但對我個追緊女仔的朋友仔來說就超重要囉！ )

朋友仔仲借我地個IPHONE黎上網DOWNLOAD DATA做野 ( 帶野去旅行做！)

有時又上下討論區，睇番旅行資料同優惠咁。

所以知 LEVIS 做緊以舊衫褲減價的PROMOTE、JW MARRIOTT 買一送一等。

仲有天氣預告，宜家係泰國雨季，我地出發都下雨！所以睇定天氣報告，邊日行商場，邊日行露天地方，有預算好好多！

科技呢家野，懂善用真係方便好多！

*******************************************
係討論區找到呢個人book車，一出機場有人等，2個鐘左右直接去到羅勇碼頭，轉酒店船入沙美，好方便。車都新淨舒服！司機又幫手上落行李，好好！

不過因為差唔多最後果刻先firm泰國酒店，所以冇係email時book埋回程，但問左價咁，話之前一日book便可。
到搭車時同司機講好時間、地址，仲寫埋俾佢，我都穩陣再sent email confirm多次添，但走時冇車來！找番個電話先知，原來email 收唔到，司機係話唔到事的，應該要電話confirm，唯有臨急係碼頭找車，又貴又舊！

雖則咁烏龍，不過呢個agent都值得找的，不竟佢真係平，車新淨舒服。

************************************************
我地今次去泰國，因為5個人，剛好一部的士，所以出入多數都係佢！
通常酒店問口都會有人幫住客安排好同抄底的士車牌，講好去邊，睇錶 / 幾錢咁，好好。

泰國搭的士其實好抵，尤其人多，分分鐘同坐BTS差唔多，同埋唔使再行同找。不過繁忙時間就成日塞車！

同埋，的士司機多數只係識少少英文，最好有泰文地址會穩陣D ( 旅行書仔多數有 )。

同埋要小心佢地有些會車你去會收回佣的餐廳，總之佢介紹乜都唔好彩佢就得！

有次我地食完飯去Big C行街，落大雨水浸，睇！但架車都行到！勁！

************************************************
泰國自遊行，去街多數都係坐BTS，快、唔塞車、方便，多數要去的地方都去到。

*************************************
今次旅行因為人多，錢銀瓜葛太多，所以特派專人做會計師計數，每日清數，做得非常好！

泰之旅2011 ── 曼谷(1)住宿篇

泰之旅2011 ── 曼谷(2) 美食篇

泰之旅2011 ── 曼谷(3) SPA & SHOPPING篇