夏日運動樂趣多

最近，突然愛上左運動！
對於一個長期零運動的人來說真係幾不可思異！


其實由早幾年開始，逢夏天我都會游水，我指係係泳池游，目的係對付鼻敏感！
真的好有效，更可改善肩頸背痛的問題。健康兼健身，幾好！


唉！人老左，唔到自己認叻，何況健康從未叻過！



呢個假期我發現原來去會所做GYM，其實真係好方便。

**************************************

做GYM三寶：水樽、IPHONE同袋仔。( 似唔似果d阿婆三寶！ )
( 其實有水機同紙杯，不過都係飲自己樽方便D、袋仔袋住客證同入場費、iphone同耳筒仔 )

呢個會所好細，不過人流唔多，同埋乜都有少少咁，都夠我用有突。

嘻！仲有天線接收電視！哈！煲住劇做運動真係易過好多！
不過其實我都一早預備左iphone上tvb.com睇住金枝玉孽來做，哈！雙重選擇囉！

我最中意呢部「太空漫遊」機，膝頭冇跑步機咁傷，而且手臂都可以動埋。

望住D綠色植物做運動好似真係舒服D，不過其實出面曬到嘔，如果出去我諗我十分鐘都做唔到囉！

回來浸番個泡泡浴！簡直係人生大享受！仲有素素陪我添！

除此以外，平時我多數會游夜水的，但去開會所做GYM，才發現原來上午泳池個位都唔曬的喎！同埋早上係冇乜人的。( 個個唔願起身吧，起左都好難去做運動，因為我平時通常都係咁！）
( 呢張相係我做完GYM正中午，所以曬到爆，冇人！ )

夜晚好好多，至少唔曬！同埋夏天熱辣辣游水好涼快！

大部份時間都係少貓三幾丁，久唔久會包場／救生員多過游泳人的情況添！

浩浩游水好叻，但佢唔多願陪我游！

呢次又係成個池冇人，我又要試下個防水殼係咪 work 先影左幾張！

同埋夜晚望住個池底游水，個心會好平靜，當減下壓都係好事。

不過番工一星期，忙到爆，做運動又停濟左，希望我可以keep到一星期點都玩到一兩次吧！