泰之旅2011 ── 沙美島(1)住宿篇

很久很久沒有去過大旅行，一來我只放旺季，二來身邊人近年去的部門大部份都係文職，唔太方便放長假，於是一而再再而三咁就唔到一起去旅行！到就得到已經係好臨時，乜都book唔到！

冇得去旅行，真係好唔開心架！

終於就到今個暑假去旅行，新年已經問定Agent 機票的野，目標係北海道自駕遊。Agent 話太早，未出到價，著我復活節再問，可惜，不久311後，日本所有野停晒，到book得已經係5月的事，太急趕又唔想，還是再遲一些吧，反正總有機會的。


難得就到假，點都要去玩下，不如就上次去泰國去唔成的沙美島啦！咁橋朋友仔講起佢地都有假，於是就一齊了！哈！呢次係我畢業後第一次同成班朋友仔去旅行！


太長氣了！睇相啦！

Book左 Ao Prao Resort 的 Beach Front Cottage

酒店好好，安排左4間呢類屋仔的中間兩間俾我地，呢兩間屋門口對住，好方便。

兩個獨立屋仔中間只係用木欄柵屏風隔開

本來仲諗緊 Beach Front 會唔會俾沙灘上的人行過睇到晒 / 嘈住，但原來屋仔外種左D灌木，等望到海之餘又唔會俾人行黎望到，私隱度VERY GOOD！

後面的Deluxe Cottage

另外的Deluxe Cottage Seaview

不過朋友仔上次住過，話後面近草叢樹林，蚊蟲小動物較多，So Far我地今次係屋入面又冇見到，感恩。

屋仔入面比我想像中靚，同佢酒店SHOW的相一樣樣，最重要係乾淨度非常滿意！

冇浴缸，沐浴間看似露天，其實有玻璃係頂，水壓一般，不過都係果句，最重要好乾淨，所以我好滿意。

屋仔有大露台，坐出去吹下風看下海都好嘆！

本來帶埋露營燈仔諗住可以夜晚坐出去傾下計，但敵唔過冷氣的誘惑！

原來夜晚的大海係好嘈的，初初我地仲以為落大雨，但原來只係海聲同風聲。

好彩隔音好好，關左門好靜，冷氣又夠，訓得超好！醒來望到個大海景！

我地留得3日2夜，可惜都係時晴時雨，影唔到陽光海灘，不過靜靜地渡下假都好的。

仲有個小型INFINITY POOL，望住個海黎遊泳池水，都幾好FEEL！

估唔到個早餐BUFFET好正！0700 - 1030，悠悠閒咁食到飽，款式多，水果又新鮮！

尤其個奄列，洋蔥芝士火腿，嘩，流心芝士，正爆！

不過屋入面冇得上網，LOBBY有電腦任用，幸好我地預先找好晒辦法，買左SIM咭可以用IPHONE上網。( 香港人冇左電腦好似會死晒咁，超唔慣。 )

本來諗住沙美島遠離城巿，冇光害，可以影下星軌的，但有人買左新機，所以冇帶到大機 ( 因為要timer remote)，又咁橋下雨，睇唔到星，都唔知係好彩定唔好彩！

雖則下雨冇左陽光與海灘呢個 Prefect Match，不過懂欣賞的話，也另有一番美的。

泰之旅2011 ── 沙美島(2) 玩樂交通篇

泰之旅2011 ── 沙美島(3) 美食篇