清酒壺 + 酒杯仔

不嬲都好杯中物，當然以唔飲醉為原則。

近來愛上日本清酒，食刺身、火鍋飲少少，真係錦上添花。其實清酒熱飲同凍飲都各有特色，不過個人中意凍飲多少少。


早前買左支清酒回家，才發現家中只有飲紅酒的大酒杯，沒有小酒杯與小酒壺，於是決心物色一個。

係sharon家見到個好別緻的，但她去日本旅行時買回來的，即香港冇啦。


上次買地蓆時經過油麻地，經過上海街，見到好多小酒杯，超平，但酒壺則唔多靚。

上兩星期行SOGO，見到做清酒杯壺PROMOTE。

原來清酒壺都好多款的，諗左好耐都諗唔到要邊SET。

可以放冰的又好似幾好，又得意，但簡單D又好似可以座熱佢熱飲。

最後選左呢套俾錢，幾精緻又抵，23X，包埋杯喎。凍咪座冰水，熱咪座熱水囉。

但俾完錢諗諗下，都係覺得2XX買個樽同杯好似唔多抵，呢D款其實唔難造，買個特別D好似抵D，於是加左幾廿蚊轉左下面藍綠色那個小小的。

就係咁，帶左佢地番屋企。 ( 買多兩隻杯仔襯番，20蚊有找，好好手工的。 )

自從上次三小花食沖繩菜飲完支黑糖梅酒後念念不忘，找唔番exectly果款，係吉之島買左類近的，等開封。

最理想呢就係坐出露台，睇下風景，吹下風，風涼水冷咁飲番杯，呵呵，諗起都開心，唔知會唔會有呢日呢？如果加埋BBQ就正到爆了！