自製豆漿

個攪拌機有個整豆漿的功能，一直未試過，包黃豆都放左一段日子，今日的起心肝試下先。

其實從未親手整個豆漿，覺得好煩，又隔渣又煲咁。但試落又冇想像中咁煩。

1) 浸黃豆>6小時，要多D水，佢會吸好多水的。

2) 少少咁放入攪拌機個隔入面，加水打。

3)打出濃豆漿，剩下的豆渣係隔入面。

4) 落煲煲滾。

5) 加糖，熄火。

完成！

不過覺得有點兒怪怪的，應該係好鞋的感覺。

於是拿個煲魚袋再隔一次，竟然仲有咁多渣！

即刻滑番晒，正常番的豆漿！

仲有咁多渣，呢個攪拌機隔都唔太完善。

煲完待涼入樽，剛好1L。放入雪櫃雪左先飲好好味。

見唔見後面有2包吉之島芝麻，本來諗住整芝麻豆漿的，但都係試左BASIC版先，下次先玩花款吧。