做好每週的例行清潔後，落惠康買左少少新鮮蔬菜同水果，回來便開始。
沒有上次的海鮮，今次純粹係雪櫃有乜食乜咁濟。
2個人，每樣少少。
香草橄欖油羊架、醃雞中翼、腸仔、墨魚丸、粟米、金菇、娃娃菜同埋蜜糖麵包。
用埋包環保炭，早前上網睇開先知，原來環保炭係會冇乜火光，但一樣會熱，能弄熟食物，好處是比普通炭少煙同灰。
其實已經買定包普通炭，但包環保炭太耐用，燒完成個鐘都未使加炭，一包炭燒兩次都未用完！用落仲幾好用添。
爐仔細細，但一開波個火太旺，有少少焦添！之後好好多。
浩浩拿手的蜜糖燒雞翼！外面脆卜卜！真係好正！
仲有我拿手的蒜蓉蜜糖方包！
自家製的蒜蓉牛油，同埋蒜鹽蔬菜包。
飲品有無限量供應的汽水、果汁@雪櫃，同埋超正冰鎮梅酒 ( 另詳文 )！
同場加映，今日Sunday Brunch的大廚@Balcony Kitchen！嘻！你好叻！
你地喺露台燒嘢食，唔怕比人投訴，我有啲 friend 屋企都有露台，佢地話唔敢喺度燒嘢食，驚管理處上來嘈。
回覆刪除[版主回覆11/24/2010 22:50:00]真係唔好影響人為主，之前我會睇隔離有冇晾衫、開窗咁先，同埋要睇天氣風向，呢輪都吹自己屋企果邊風，而且秋天風大，唔會聚住D煙 / 味唔散。 同埋最重要係安全，一定要睇住個爐，唔好俾佢燒著野。 我地兩個人只係燒左半個鐘左右，唔會好耐，開心都盡量唔想影響到其他人的。
樓上樓下會否好奇怪，點解成日都有BBQ味？
回覆刪除[版主回覆11/26/2010 08:57:00]好奇怪，我諗只係我呢d剛搬入去的人先會對個露台咁有興趣架咋，網上討論區的人十個有九個都話露台只係用黎晾衫，放雜物、甚至食煙多，頂多係種花。 我試過坐出露台幾個鐘，途中不停咁望，上下隔離可以冇人出過露台的....香港人太忙了吧。 不過講真都唔想影響人地咁多，所以唔好玩咁耐囉。