最近愛上飲日本清酒,尤其梅酒,blog友仔細碧好好,俾左支自家製的梅酒同我分享!
上星期四晚交收時,浩浩笑我好似以前d人約會筆友咁,其實都差唔多姐。不過第一次見網上的朋友,真係又緊張又開心。
細碧好好人,雖然只係短短係路旁傾左一陣,但講下貓貓講下整野食,真係好開心!很高興識到你呢個blog友仔呢。
今天終於趁BBQ時,試左呢杯「冰鎮梅酒」,一個字「正」!
同出面買的梅酒真係好唔同,果種香甜濃郁的感覺真係令人回味無窮,搞到我成日心思思想飲,幸好加冰係可以有排飲!
細碧,你要快D教我點浸呢!不過係咪要等季節適合先浸到的呢?
年年我都會浸梅酒, 整果凍, 加soda都好好味....
回覆刪除[版主回覆11/26/2010 10:10:00]我add你做blog友仔偷下師先!
神仙, 你學咗點整就教埋我, 我都好喜歡飲梅酒呢.
回覆刪除[版主回覆11/26/2010 18:10:00]一定一定,好野實要分享!
我又要學啊!! 記住教埋我啊!! i like 梅酒also!!
回覆刪除[版主回覆11/26/2010 18:11:00]同道中人,一定同你分享正野!
多謝你稱讚 有好野一定要同同道中人分享
回覆刪除你留定多幾個大玻璃瓶,明年季節一到即刻 CALL 你 !
[版主回覆11/26/2010 23:24:00]好呀,好心急快D到適合季節呢! 我等你。
講到咁好味 等我下次都偷師學吓先
回覆刪除[版主回覆11/27/2010 18:48:00]好正真係好正,我宜家好心急到適合的季節可以自己浸番D做存貨!
三月天 ~ 梅子快要上市喇 ~ 你準備好未?
回覆刪除[版主回覆03/02/2011 23:57:00]買定晒樽,萬事俱備,只欠東風(D青梅)!
仲有等你條秘方添!嘻!