明天孫中山先生壽辰放假一天,係上學期,尤其十一月沒有什麼大假的日子,明天便顯得彌足珍貴。
放工突然想食西餐,去左百佳買野,買左呢D:
餐湯:香草蕃茄湯
嘻,係整完先諗起可以用新野架,唔係專登的。
不過好好用,份量剛剛好,又有蓋可是保暖,等我整埋其他野都仲熱。
真係好靚!超中意呀!
跟住係主菜:白汁磨菇甘荀青口意粉
本來想整大蜆的,但買唔到,後來浩浩先講家中有急凍蜆肉,都唔記得左添!
再黎係第二主菜:香煎海鹽牛小扒
個煎PAN呢個時候顯晒功架,同一時間煎三塊扒,一起上碟食得!(今個月佢做特價呀,當然唔夠開倉平,但可選色,如果係之前有,我諗我買左唔等開倉了,唔使排隊嘛。)
見唔見D紋對得幾咁靚! ( 認叻中...! )
其實係三小塊,但煎的時候,中間油脂位會融,然後分開做兩半,變左小牛柳咁。
但呢隻百佳專賣的加拿大牛小扒,酥軟味濃,真係好正,只係用海鹽略醃,用橄欖油煎已經香到好似用牛油煎咁,可口非常。
本來仲有甜品跟尾的,但已經飽左,所以只係飲左杯蘆薈蘋果汁,叫做意思一下。
嘻,阿清成日都中意陪住我地的,佢唔食睇下我地食都開心。
我地都好中意有佢陪住我地食飯呢!
阿清成日都中意陪住我地的>>>>我有3隻貓都一定跳上枱陪我地食飯架...
回覆刪除[版主回覆11/13/2010 07:52:00]嘻,咁你有三倍歡樂添!
阿清好可愛呀!! 湯盅好靚又實用。
回覆刪除[版主回覆11/13/2010 14:08:00]多謝讚賞,好開心。
阿清好得意呢! 我阿mui都成日陪我們吃飯, 但係佢唔可以上枱。
回覆刪除[版主回覆11/13/2010 18:04:00]Mui 咁乖的!清點趕都會番來,最後我地見她只係坐就由她。不過有時她先會坐上來,有時會坐第二度望到的地方囉。
d格子的確煎得好靚
回覆刪除欲善其事,必先利其器,LC grill pan very 吉
[版主回覆11/13/2010 22:53:00]Thx! 我都覺得真係好好用,不枉我辛苦佢回來
回覆刪除抗議啊 ! 少左貓貓隻碟 ~ ha ha
[版主回覆11/15/2010 16:00:00]咦!係喎!唔怪得佢望住我地咁耐啦。
神仙小姐,見你煎牛小扒好靚,我今晚用左LC grill pan煎雞扒。但係"痴"哂底,請問你乜解夠可以煎到起哂格呀?
回覆刪除[版主回覆04/02/2011 23:51:00]通常會"痴"的原因都係幾個, 1) 個鑊同油未夠熱,要熱到油出煙再燒多一陣先放扒下去煎 2) D扒 / 食物仲未解凍,勁冷的食物同勁熱的鑊相遇,必黏! 3) 油唔夠,不過呢個情況好少出現 我都試過兩次黏到傻左,希望你都快D打到格啦!