爸爸生日願望

今天爸爸生日，我們叫外賣pizza同壽司一起食，可惜浩浩番學黎唔到。

我買左對行山鞋、襪同水壺俾佢，因為佢最近愛上行山，跟教會的朋友去行得不亦樂乎，真好，有機會我都想同佢一起行下呢！

不過最感動的係，佢今年的生日願望竟然係，想自己快D信主！

感謝主！呢個都係我地一家廿幾年黎的願望，今年由他口中講出來，即係離願望成真之日不遠了！感謝主！除左呢樣唔知可以講乜。

自小常常害怕他日我們死後，一家人不能在一起，所以我常為此祈禱，希望天父叫爸爸都相信祂，可惜日復日願望都沒有成真，差點以為這是個不會變真的事。



慚愧自己沒信心，感謝主叫我看到神奇的事，感謝祂的安排，感謝祂聽禱告。

相信天父的人，在體會過那種幸福後，總希望身邊最親近的人都得著呢份喜悅和福份，但往往因此碰了不少釘，漸漸本能地學會不去一股惱兒衝去將自己覺得最珍貴的東西塞給別人，以免反碰一鼻子灰。

可是我知咁係唔應該的，抱著純真的心去把福音傳給別人，是基督徒的本份，唉，盡力而為吧。

求主繼續賜我力量去做你的鴿子，去傳揚你的訊息給更多的人，在生活的每一天都做好的見證。