Cooking Class@Le Creuset

上個月上網報左呢個班，又報到喎，今晚放工去上堂！

第二次去旗艦店，沒有第一次黎的嘩嘩聲，佢的貨真係幾齊。色彩鮮艷的廚具係白色的廚房，配搭真係好靚！

導師 Nellie ，菜式係 Julie & Julia 的法式煮鴨，不過今晚只係煮左鴨胸，簡直大開眼界！同時用四個爐黎煮，真係好好。

最印象深刻係D薯仔用鴨油煎到金黃色，超好味！冇諗過薯仔可以煎到咁好味！

鴨胸煎晒D油出來，一點也不油膩，不過可能食唔慣，我覺得可以再熟少少會仲好。

就係呢樽DUCK FAT，NELLIE話放雪櫃可以成年都冇問題，好有衝動儲番樽添，真係好香！不過成日覺得番用的油唔多健康，唔知係咪真的呢？

睇見咁靚，聞到又超香，真係FEEL到果種口水流晒出黎的感覺！

仲有紅酒配合，真係好細心！

NELLIE同助手哥哥都好NICE！

切開鴨胸分俾大家。

加埋個汁同配菜，正到爆！

同學仔都好友善，美好的EXPERIENCE，希望遲些我都可以煮番出來同朋友仔分享。

落堂可以以7折買野，其實都幾抵，只可惜最近想買的都買左，其餘未買的又唔係佢呢度有的色，所以最後都冇買任何野。

其實我對呢個好有興趣，但哥哥太忙，未答到我，我又趕回家，下次再問下先。