第二瓶梅酒！

因為原本在PIAGO特價買的梅酒樽原來比想像中大，有5L，昨天買的6磅青梅浸完一瓶後，只剩左少少，唔夠浸埋個米酒樽，所以今日一早再去買梅！

嘻，又係BLOG友仔幫我計好晒要買幾多！

估唔到今日D梅仲靚！大部份都係青BB的！

浸洗ING~~

好好彩今日陽光普照又有風，曬太陽ING！
見佢咁靚，決定呢樽由佢繼續青，試驗下兩種味道的不同。

不過呢個米酒樽樽口好細，放唔到隻手入去放梅，於是連酒都冇倒出來，拿筷子逐粒梅放入去。呵！考我筷子功！

倒埋冰糖落去，FULL晒！
放埋係昨天浸的那瓶隔離，好搞笑！

昨天浸的冰糖差不多全溶，D梅浮起晒去上面，冇左昨天FULL晒的樣了。
而且右邊呢瓶青BB同左邊呢瓶金黃FEEL好唔同，各有美態！傻左

暫時用黑色環保袋蓋住佢防UV，哈！好似疑犯蓋頭咁！

下午出開街，去左上海街再買多個樽！

同PIAGO賣的一樣，MADE IN JAPAN，當然平些，仲多款D添。
見差十幾蚊，把心一橫，買左個8L！哈！知唔知我想點？

後補相：由左至右
5.4L米酒樽、 5L酒樽from Piago、8L酒樽from上海街

其實見到有D 2L同3L的細樽仔好可愛，心思思想買個細的呢，不過我中意飲，浸咁細樽，唔符合經濟效益。

同埋呢款樽係專用來浸酒，紅蓋入面有個有個白色內蓋存氣，兼有小開口塞方便倒酒出來。仲有各款梅的食譜同浸方法，不過係日文。



突然醒起青BB咁早落糖會縮的，算吧。