今年第一年浸梅酒，玩得不亦樂乎！
進入幾近瘋狂狀態！日夜為梅忙！
終於捨得收手了！
成果係 5大3小！
分別係 8L、5L x 3、4L、2L、1L x2，總共31L！
應該有排飲，夠我未來一年慢慢飲吧！不過要等3-4個月先可以開始，好心急呢！
竟然俾我入得晒灶底個煲櫃！可見果度其實甚有潛質！
哈！不過宜家爆左，差D連米缸都放唔入！
入倉前影番張大合照留念！
不過有些未落糖，所以遲些要拿出來加糖搖下咁，灶底會較方便！
見唔見到其實仲有D樽仔係空的，仲有幾個1L的闊口果汁、紅酒、梅酒樽預左黎浸的，但實在太多了，算吧！遲些用黎分俾人吧！
已經預左俾妹妹、爸爸媽媽、幾個好杯中物的朋友仔份的了！到時見吧！
*******************************************************************
花絮：
係10蚊店掃左一堆樽仔！真係好又平又靚！好想掃晒番黎
，一共6隻色，紅、橙、黃、藍、青、桃紅
順便又入下貨，次次都係咁！
買左咁耐最靚梅係新墟街巿233號無名的菜檔！呢幾日8蚊磅添！粒粒咁上下大又青又少花。
今年差唔多全部都係用呢隻酒浸！$195/5.14L，38度。因為飲過覺得呢隻好味就狂浸呢隻，唔試其他了。
唯一一支就係用左60度的高梁酒黎浸青梅，右邊呢樽。
個樽太大，換做細樽。( D梅兩日就已經變黃變軟晒了！可見酒幾勁！)
但分兩樽又好似唔多好
最後都係專登買番個SIZE剛好的，預鬆少少，2L。( 未加糖 )
後來我先發現呢款密實玻璃樽其實都好好，包密實先！
同埋吉之島都好多平樽款賣！不過有些冇容量寫明，唔太方便。
我都係 $10店買左2個樽, 係PIAGO 有個3 L 的就 $35...平過我在上海街見到紅蓋的要過 $100, 應係 5L...心思思再浸4磅....諗緊..原來米酒有30%酒精, 我見清酒得唔足20%
回覆刪除[版主回覆04/20/2011 23:13:00]過100果D應該係日本出的，我有兩個大的都係，耐熱高少少，不過其實都冇乜時候會需要加熱的。 係呀，尤其三蒸差唔多40度，雙蒸都29左右，清酒輕好多，浸埋梅同糖，但濃度會再低，o岩唔多飲酒的人。
10蚊店啲樽又幾靚喎. 估唔到你家個灶底櫃都幾強.
回覆刪除[版主回覆04/21/2011 00:50:00]係呀！真係想買晒番黎 ，不過唔知做乜好。 我都估唔到咁勁！
浮誇...不過禾鐘意
回覆刪除[版主回覆04/22/2011 06:49:00]浮誇..<--嘻！I LIKE IT TOO!!! 不過禾鐘意 <---MY PLEASURE!!
見到你o的梅酒真係好莊觀!!! 勁!!
回覆刪除[版主回覆04/22/2011 06:57:00]嘻！我都覺得誇張左少少，不過好多屋企人同朋友仔都有興趣，我自己又中意，都驚唔係好夠分！
其實d糖既份量你係點計ga~? 因為我都浸左d, 但有2樽未落糖....
回覆刪除[版主回覆04/25/2011 23:01:00]梅、酒、糖的比例 = 2：2：1 100g梅、100g酒，就50g糖，你浸左幾多？如你計唔到我幫你計丫。 另外，如唔想d梅縮小，糖可後落，分兩次落，約3個月下一半，5個月再下另一半。
我都收左手啦~~~ 我未得閒影大合照~~~
回覆刪除[版主回覆04/26/2011 11:09:00]我等你！
我唔叫你做神仙喇、我想叫你做＂梅＂仙呀！你好厲害呀、浸咁多酒！p.s.你家的貓咪好得意、好可愛喔！
回覆刪除[版主回覆05/01/2011 22:57:00]謝謝你，你整的甜品都好正！見到都想食呢！ 我add你做blog友仔，一齊交流下丫。
我今年準備浸龍眼酒，因為今年棵龍眼樹應該係大造
回覆刪除[版主回覆05/12/2011 14:36:00]你就好啦！有自家果園！中意幾時食幾時浸都方便好多！ 超羨慕！