上次同朋友們出街食飯,講起甜品「心太軟」,很久沒整,今次聚會重點係呢個!
先黎個打邊邊先!
深宵之心太軟,哈!
一直覺得呢個食譜最易又最wok!
材料:
朱古力粒 125g
無鹽牛油 115g
蛋 2隻 + 蛋黃1個
砂糖 60g
低筋麵粉 55g
高筋麵粉 少許 ( 塗杯模用 )
杯模 5-6個
做法:
1) 用掃把牛油抹在杯模裏,灑上高筋麵粉,放入雪櫃冷藏最少15分鐘。
2) 朱古力及牛油放入金屬容器,以熱水蒸氣座溶朱古力及牛油。
( 小心別讓朱古力碰到水氣,因為會產生化學作用,不能溶解!所以熱水容器宜比盛朱古力的器皿小 )
( 中途有需要要換熱水,水溫約60度 )
( 其實應等自然溶解後先混合 )
3) 另外,蛋和蛋黃打散,加砂糖,用攪拌機打至發白
以慢慢垂落,稍微堆積才消失為準。
4) 趁朱古力還熱,倒入蛋液內。
5) 撈底混合
6) 篩入麵粉,混合,看不到白粉便停
7) 舀入模,約八分滿
8) 放入預熱180度焗爐內,焗8分鐘左右
9) 連模倒放碟上約10秒,倒出,灑上糖霜 / 朱古力粉,也可伴上雪糕 / 士多啤梨
暖心朱古力由入面流出,好正!
食完甜品,一齊坐左出去露台閒談,外面下住微雨,飲下野,竟然就天光!
同朋友仔一齊玩一齊笑一齊食野吹水好開心呢!
朋友聚舊時間過得特別快 , 巧開心呀 !
回覆刪除[版主回覆04/24/2011 07:58:00]係呀 ,一陣就過左成晚!快到嚇人!
有個露台飲野傾計真爽....!!!
回覆刪除我都想試下整!
回覆刪除[版主回覆04/24/2011 07:59:00]整啦!呢個難唔到你!
心太軟,我好鍾意,簡易版好啱我!
回覆刪除[版主回覆04/24/2011 23:21:00]係呀!呢個食譜係最容易的 ,o岩我! 遲少少我可能整埋個複雜版。
心太軟雖然好食,但係好鬼肥呢
回覆刪除[版主回覆04/24/2011 23:22:00]嘻!我知,諗起整的時候的材料....真係有些內疚....不過美食當前,都係食左再算吧!
露台睇日出,正 !
回覆刪除玩通頂,甘拜下風 !
[版主回覆04/25/2011 13:17:00]我好耐冇做過通頂呢D小朋友野了! 不過呢班朋友仔有幾個係小朋友,又放假,於是湊下熱鬧玩下咁囉!
有個咁正既露台,傾計傾天光,真係開心呀!
回覆刪除美味的心太軟,很久沒有做這甜品了。
[版主回覆04/25/2011 13:20:00]十年都唔一次!記得我地以前都成日坐係碼頭、沙灘、球場傾計,坐天光的! 呢個心太軟,我都很久沒整了,但實在多朋友喜歡,久唔久都會出下場的。
哈哈, 我老喇, 通頂不能了。
回覆刪除[版主回覆04/28/2011 23:05:00]其實我都係,不過呢班小朋友興緻勃勃,偶一為之開心下而已,跟住訓足兩日,哈!
我鍾意!
回覆刪除[版主回覆05/04/2011 21:05:00]THX 原來你都好中意整野食的喎!