咁大支的酒唔係度度都有，超巿有又未必係我想要的牌子 ( 我用珠江橋牌)！即使有又未必有咁5L裝咁大支！有咁大支也多數只係雙蒸唔係三蒸！唉！總之就煩！
好唔開心！又好膽心！
D梅唔放得喎，無論浸左未，總之過左一日睇住好多熟到出黑斑，燙左滾水吹埋的又驚佢走晒味，之前諗住放入樽先啦，點知又出水氣，幾驚佢發霉呀！拿拿聲拿番晒出來再吹乾！
昨晚終於早少少趕到番新墟買到大樽裝醇舊三蒸米酒，好開心拿番去諗住即浸，點知用盡法寶都開唔到個蓋，真係扎晒馬都開唔到！激死我！宜家先知自己手無搏雞之力！
唯有等浩浩回來，但已經好夜了！今早晨早醒左，即刻浸鬼左佢地，安樂晒！
左邊係入完個超大8L樽後，剩番的梅同酒，放晒入去浸埋佢，仲有好多位！
右邊係高梁浸的青梅，梅沒有燙熱水，因為高梁酒濃度超高(呢款60度)，應該夠晒易出味！不過只係心思思試下用高梁浸咁解，但買大左個樽，大左3倍都唔只，計錯數！浸住先啦，最緊要D梅梅唔好變壞！
兩樽都冇落糖住，因為會換樽同再加梅等等，唔想影響個份量比例，也想看看遲些下糖的梅係咪真係會唔縮靚仔D。
順便影番張暫時的大合照！
仲有好多位，浸滿埋佢，今年應該差唔多了！
睇到呢張相，我真心覺得自己真係傻左！一個星期唔就搞成咁！哈！不過可以令自己咁開心的，值得的！
放係FACEBOOK，引起好多朋友仔嘩然，嘻！希望佢地都玩得開心吧！
好壯觀！
回覆刪除[版主回覆04/17/2011 08:00:00]睇完我都覺得自己傻左！
有排飲呀
回覆刪除[版主回覆04/17/2011 08:03:00]應該係 ，不過仲有排先飲得！
嘩...係買左好多梅! 今次真係有排飲~ 點解唔用d黎浸梅醋!? 我心思思想再買浸梅醋呀~
回覆刪除[版主回覆04/17/2011 08:32:00]因為我身邊冇人中意食醋，我自己其實OK架，但中意飲梅酒多少少。 同埋浸多D，一大班朋友仔黎屋企玩時，有D招呼下朋友幾得意，多個話題。又可以俾D爸爸媽媽，等佢地得閒飲下，佢地都中意架。 我add左你做blog友仔，大家多d交流下丫！
咁又係~ 多d人分享開心好多~ 我都add 左你~
回覆刪除[版主回覆04/17/2011 15:48:00]THX
好勁~咁多支 用黎招呼朋友一定好開心
回覆刪除[版主回覆04/19/2011 11:26:00]期待ing呢！
嘩, 你真係很多...我剛完成大制作, 貪玩...HAHA....我用左清酒...
回覆刪除[版主回覆04/20/2011 18:14:00]清酒人地話都好好味的，但我只係試過用三蒸浸的，好中意，所以便只係用呢隻，同埋唔熟清酒，唔知邊隻好。你浸完話我知好唔好飲，我下年再試！
中秋可以飲勝啦 !
回覆刪除[版主回覆04/20/2011 18:15:00]yeah！ 期待ing呢！
我都買咗青梅啦, 可以又學人浸吓.
回覆刪除[版主回覆04/20/2011 18:16:00]快d寫番篇blog記錄下先啦！
點解你果D上升起, 我果D無既..係唔係我果樽問題呢
回覆刪除[版主回覆04/20/2011 18:19:00]我諗係因為你未落糖，我落左糖的全部升起，冇落糖的全部沉，應該係個液體濃度的質量問題！