和風乾衣機 ( 補番張正確掛衣的相！)

星期日行街見到呢個，即刻買左番屋企，超中意！

其實之前都有諗過買類似的野，朋友也介紹另一款用過唔錯，不過覺得有露台曬衫，要用6百幾買一舊獨立的焗衣器有些唔化算，同埋都大舊，又砌又拆都幾煩，所以一直冇行動，至多下雨唔洗衫！



之但係呢個因為係天上野牌，可以配合番家中有的曬衣架黎用 ( 也一定要配黎用 ) ( 曬衣架可睇番呢度 )，感覺上係附加功能，好似抵D咁，仲有九折，就買左喇！

今日天文台話下大雨，晚上有朋友黎屋企玩，本來唔諗住洗衫的了，但話3個鐘便乾咁神奇，D衫又爆晒部機，於是即刻洗衫試下先！

9折，$449.1，就係呢部機，宜家買送埋相配的套，我地係7718，值$150的喎。

8面出暖風，有3小時時間掣，也可較長開。

袋入面有套同個扣。

就係咁套係上面，個扣隻唔知點用，淨係記得話穿落條通度，明天再去問下姐姐先。

掛滿衫

拉埋拉鍊，好似好爆咁！
( 就係因為我唔知個扣點用，所以咁，如果我放O岩位，唔會搞成咁！)

開機，好快就有暖風吹上去，3個鐘後自動關機

不過可能因為我實在太貪心，太多衫，3個鐘乾得8成，毛巾、厚褲等未乾透，於是開多兩個鐘，個半鐘便乾晒！


好野！
以後回南天的衫唔使放十年都唔乾了！
也不用開抽濕機抽乾D衫！
也不用驚個乾衣機整到D衫縮水唔著得！



佢仲話可放入浴室當暖風機用，但唔入得水，不過我唔會囉！



P.S. 後來去問番姐姐，個扣應該套入側邊條通，然後將可動的管移去個扣果度，中間掛衫，咁就唔會出現我個爆晒的情況了，下次再補相吧！


我地收衫，素素又過黎搞搞震，不過衰妹又幾可愛的！

******************************************
後記：

果日去問左姐姐正確放掛衣通的方法，補番張相先！
條通應該放係中間，得兩個扣，我諗佢本身諗住FOR一支通的，但我衫多，我每邊用一個扣，放左兩條通，反正都唔會移來移去，OK。

真係冇再撐晒出黎咁逼爆了！