香煎廣島蠔 ( LC 31cm oval 煎pan啟用)

呢個pan一直係諗住用黎鐵板燒的，可是一直未有適當的天時地利人和配合，是故一直未開封！

今天浩浩放假，煲左湯，但唔想煮飯，我唔想出去食，於是放工先係樓下買左少少野開工，煮個快飯先！

簡簡單單又好味！人大左，中意食屋企飯多過出街食！

***************************************
西蘭花 + 免治牛肉、豬肉 + 窩蛋煲仔飯 ( 張相未落蛋 )

做法：
1) 洗米煲飯至起泡泡
2) 放入預先用生抽、老抽、雞粉、糖醃左的免治豬肉，以及洗淨切細件的西蘭花
3) 3分鐘後再放入同樣醃左的免治牛肉煮多2分鐘
4) 打雞蛋，熄火焗10分鐘，食得！

******************************************
香煎廣島蠔 ( 參考sunnyma的食譜 )

做法︰
1) 廣島蠔洗淨，用檸檬汁醃半小時
2) 煲滾水，熄火，下廣島蠔，焯熟
3) 隔水，用廚房紙吸乾水
4) 撲上粟粉，下熱鑊煎至金黃色
( 配甜豉油同吃 )

呢個好正！好好味！不過煎野個鑊俾我搞到好污糟，決定要好好幫佢「開鑊」！