懷住又緊張又興奮的心情，星期六放工回來便打俾佢，找埋大家的壯丁們便出發。
佢兩個好好人，唔單只教我材料係邊處買，仲介紹左好多超正的店舖俾我，令我呢個自恃由細住到大兼八八卦卦的地膽都有點汗顏
，哈哈！不過知道咁多尋寶地，真的好開心！
跟住佢地就傳授左呢門浸梅酒秘技俾我，呵呵！好厲害！呢兩個人合作將「斤」、「磅」、「公升」、「公斤」換算得出神入化！總之係我仲在了解階段，已經寫好左條方俾我！
呵！總之我記住左個重點係「2份梅、2份酒、1份糖」！
至於方法詳情，請參考原著吧！好清楚詳細的！蜂蜜梅酒
下面D係我人生第一瓶親手浸的酒的花絮！
好值得記念呢！
青梅！
秘方處理後的梅！
梅梅出露台曬太陽！
排排隊企定定，好圓潤可愛！佢地粒粒都經過精心處理架！好有感情！
好有農家收成FEEL！
嘻！最後風乾階段時來個下午茶添。
聞住陣陣梅果香，食住呢位窩心BLOG友仔親手製的鳳梨酥，專登找番都係出自佢手的冰鎮梅酒黎飲，哈哈！呢刻鐘真係人生幾何！呵呵呵呵！
晚上，我地做埋最後工序！
洗乾淨手，將梅、冰糖排靚靚，呼兒來倒酒！玩得超開心！
原來D冰糖都幾大粒！梅同糖佔滿晒個樽！
加埋酒，大功告成！
不過今早發現昨晚排得好靚的PATTERN冇晒，D糖一晚已經沉晒落底！
同埋梅表面真係好多氣泡，搖下個樽便會冇左！
好心急快D飲得呢！
好期待！
記得以前睇過本小說，女主角浸酒好叻，唔同的心情浸的酒、同唔同心情嘗的酒都有所不同。我常常在想到底浸酒是一種何其風雅的本領！可惜家中爸爸灶底收藏著的卻是老鼠酒、蛇酒、田七等藥材，怎也不能與風雅連繫在一起！
再一次謝謝細碧！
你讓我學曉呢種有趣本領！
梅酒！多有氣質！
神仙浸的酒自然是瓊漿玉液！
未飲已經醉了！
呵呵呵呵！
期待之後看到你開酒飲的blog呀!!!!!!!!!!!!!!!!!
回覆刪除[版主回覆04/11/2011 00:26:00]好呀！我都好期待！
要浸幾耐呀, 好期待啊.
回覆刪除[版主回覆04/11/2011 13:07:00]浸3至半年便飲得，越耐越出味越淳！ 我正諗住WHATSAPP找找你添！ 我記得你都話有興趣架，我今日放工想再去睇下仲有冇靚梅賣！
好吸引咁樣，我又心思思想整
回覆刪除[版主回覆04/12/2011 17:04:00]浸啦！細細樽玩下都好！真係好好味！
我都諗住浸呀, 不過我見街市得一檔有得賣...等我再搵下先得!
回覆刪除[版主回覆04/12/2011 17:07:00]好梅真的可遇不可求！一來唔多有得賣，二來唔知會否遇到更好！
我買左三次，第三次先最靚。
喂喂 ~ 記得係樽上mark上日期，另外日曆上面圈上記號，每個月9號都拿出來搖一搖、呵一呵 (呵呵 )，7月9日之後這瓶就可以飲得喇 ~
回覆刪除[版主回覆04/13/2011 09:33:00]我昨天出開旺角食飯，買左一磅梅，同一支高梁酒，嘻，但仲未買到大的三蒸酒浸之前買的梅呢。你知唔知錦記收幾點？
好似唔洗咁多梅！
回覆刪除[版主回覆04/13/2011 10:05:00]嘻，呢條方的比例算係多，不過呢張相因為梅中間藏左好多糖，好似好多咁，糖溶左其實得2/3左右姐。 我見你都浸左唔少喎。
錦記我都唔知佢幾點收舖，應是8點左右，不過你也可以去友愛街市外面對個正著的那間雜貨店，(第一間)，佢地都有三蒸酒，價錢和錦記一樣，5斤裝$95, 十斤裝 $190
回覆刪除[版主回覆04/14/2011 01:30:00]我今日放工即去，好彩趕到！買到酒同糖！好開心！
今日發現左另一個菜檔有「青BB」青梅，只賣 $8/一磅，地點是新墟裕記隔壁的菜檔，即係錦記行出來，沿著雅都花園行人路行到尾 (屯門學生健康服務中心對面)
回覆刪除新墟街市入面菇菇菜檔都有 (記住不是不是生果檔)，不過仍是要 $10一磅。
希望你買到「青BB」梅喇 ~
[版主回覆04/14/2011 01:32:00]我知邊處！但買酒同糖太重去唔到買，回家放低野再去，但已經收緊檔，其實都可以買，不過我見已經得番唔多，同埋唔多靚了，所以冇買到！ 而之前你介紹街巿入面果檔個姐姐話剛好賣晒了！今日梅梅冇收鑊添！ 不過有酒同糖可以搞左之前果D梅先！