，好難忍手！ ( 對比初初果D不禁失色左添！
)你地睇，呢D係前天係屯門新墟街巿買的，靚到咁，我放工先去買，6點幾，見得番唔係好多咋，但都好靚，唔多有黑點等，於是好豪咁掃晒佢！哈哈哈哈！
其實都未夠10磅，有個 8L 大樽，連埋將會買的米酒樽，5.16 L ，仲未夠入得滿添！
但因為拿左兩大袋梅，買唔到酒了。
跟住尋日同朋友去開食飯，係旺角廣東道街巿 ( 即朗豪坊後面的街巿 ) 水果檔見到都好靚，又買多磅半，其實未夠的，但太遠又要食飯，沒有買很多。
隔離遠少少有賣到 $16/磅，傻左。
其實本來係諗住買酒的，但找不到5L珠江橋牌果隻三蒸酒，又唔想買D唔出名的牌子，所以作罷。
也有心思思想買高梁酒代替的，不過以前同公公飲過少少，好似好勁，驚唔太多朋友仔接受到，得我自己一個飲就無謂，5L喎！呵！
最後只係買左支細的600ml，諗住浸少少自己試一下吧。
到左今日放工，即刻撲去細碧教路的錦記掃貨，仲順便係雅都買多個樽添，不過計錯數買大左，2L 變 4L，激死！
4L樽 + 5L 酒 + 5包冰糖 = 3X磅！
梅都行唔到去買！
回來放低野死心不息再去，但已經太晚了，關晒門！
唉！
菜檔的姐姐好好，話留俾我，可惜我明天要開家長講座，番唔到黎買！
唉唉唉！
嘩, 你真係浸左很多bor...我尋日想去買, 點知我果處無...下星期去下旺角一轉先..
回覆刪除[版主回覆04/14/2011 11:33:00]好呀，旺角舊街巿都有 (朗豪坊後面）。
果然係「青BB」喎 ~
回覆刪除你睇個枝高梁酒一斤裝好貴下喎 ! 我今年都浸左高梁，希望唔會飲醉我喇 ~
數下數下你都浸左有廿十幾斤咯喎，嘻....係唔係好好玩呢? 我都係晚晚食完飯就同每粒青梅呵呵身，大大細細浸左有六、七呈了，有三蒸 (青/熟梅)、高梁、米醋，明天打算搵啲細樽試下黑糖、GIN酒，死火......越諗越多添 !!
[版主回覆04/15/2011 06:29:00]係呀，買細支係貴好多....不過我又唔敢浸大樽, 驚真係飲唔到 不過真係好好玩！又忍唔住要讚你教我呢個咁好玩的遊戲！ 你都仲有好多諗頭喎.....
請問是像Choya 梅酒那樣的嗎? 我不喝酒, 但我媽很愛Choya, 自浸比起買的有什麼不同? 很平的嗎?
回覆刪除[版主回覆04/16/2011 19:47:00]對，就是果類，但味道要再濃一點，香甜味同果酸味都濃些咁。 平....應該平些的，以浸8L+5L計，13L共買料約300元左右(唔計樽)....咁一支CHOYA都百幾一支，但味度係濃幾倍，要加冰/水/汽水飲....但要時間同心機囉。 或者買1磅浸1L俾你媽媽試下，中意飲下年先再浸多D。