兩貓和平共處大作戰(四) ── 歷史性一刻

兩隻貓貓係我假期的最後一日，有突破性發展！

今早我同爸媽飲完茶，去浩浩屋企時，竟然見到呢個情境！
兩隻貓貓為左黏住浩浩訓覺，竟然止息干戈，暫時休戰！一齊眠一眠！

好開心呀！

一大進展呢！雖然只係維持左半個鐘左右，佢地也冇碰住大家，但咁近距離放鬆咁訓一覺，好叻呀！

其實係素素走左去浩浩隔離訓 ( 呢個平時係佢禁地，阿清唔會俾佢去的 ) ，仲訓到反晒肚，清清黎到見到咁，打又打唔落，好警覺咁走左去佢平時訓的位 ( 浩浩頭頂旁 ) ，靠住靠住咁便訓埋。

YEAH！

希望佢地再遲些可以靠住一齊訓覺，和平相處，相親相愛就好了！