紅酒炆牛肋條 encore

上次整過一次，覺得好好味，記得D同事講起都想試，仲有人好熱心咁拿左支紅酒俾我，但我放左成兩個幾月都未整俾佢地試，趁今個星期開學前有兩日回去開會準備，可以大家一齊坐埋一起食下飯 ( 平時好趕，食飯要輪流，又得半個鐘左右，所以冇得一齊 )，就整左了。


食譜 refer 上次

材料都一樣，只係牛肋條的量double左，我將清雞湯的量用番300ml，其餘以紅酒代替，即係加多左好多紅酒落去一齊炆，個味濃左好多，冇咁茄汁feel，但我都係重手落得冰糖多左D，稍甜。


先用薑同冰糖炆焗 1 小時，本來用番 22cm 的中紫 LC，但牛肋條太多，單牛肋條都大半鍋了，一定唔夠位，改用 26cm 的大白 LC。

為方便同事夾同分黎食，將牛肋條再剪細。切好的材料色彩繽紛。

單單蔬菜都佔左大鍋的一半！

比上次加多左好多紅酒。

同埋今次液體好多，( 因為要蓋過D料 )，炆完個汁都仲係好稀，我諗住好似平時煮餸咁埋番個「獻」，但太多汁作用唔大，於是我算數。但後來諗番，其實應該恨心少少，倒緊D先再煮番「杰身」。

下次再試。