因為未放心，只在有人看管住先俾佢地一起玩。
冇人係屋企，素素獨霸書房，有齊沙盆、食物、水同玩具。
清清則在廳任走。
我們在家就俾佢地一齊玩。 ( 其實唔知係咪叫玩，因為都唔知佢地開唔開心的......好似我讀幼兒教育時，對小朋友「玩遊戲」的定義咁....呵！ )
見唔見清清個樣幾黑臉！啤實呢隻百厭唔識死的小東西！
有時忍唔住出手，但其實佢自己都好驚，好多時FU完出完手佢自己會調頭走！
不過素素又真係唔識驚，佢會偷偷去用人地個沙盆！
( 但唔識出番黎，因為有門，好搞笑！ )
又霸住清清的御用奴才們！
清清也唔慣，有時有玩具滾過，有聲音，兩隻貓一齊會本能反應地去追，不過一見到大家碰埋便好驚咁停左！通常清清都會「FU」一聲然後調頭走去安全距離後啤住素素！
好在有些時候，乜問題都唔得閒介意的。
1) 有好野食時....罐頭太吸引，幾近一齊食都冇問題，只要一人有一份便好！
2) 太累眼訓時....只要見唔到，唔搞到我，我唔得閒理！
有時見到佢地都好似學緊一齊玩，雖然有少少動魄驚心FEEL，但總叫係玩吧。
例一：你躲我「抓」....清清最中意我地同佢咁玩，宜家素素同佢玩！
例二：你上我下.....其實係清清躲上桌上，素素上唔到係下面行，清清拍佢個影！
平安夜我地打邊邊慶祝時，第一幅有素素的全家幅。
( 浩浩係佢地爸爸，我係姐姐姐，因為未結婚架，或者將來會做佢地媽媽，但要睇佢地有冇呢個福份喇，哈！)
( 不過留心睇，佢兩個俾我地叉頸先叫望到鏡頭咋，幾唔願意！嘻！)
希望佢地快D適應對方的存在，唔使再咁隔離過日吧。
沒有留言:
張貼留言