不過呢個只係佢其中一面，另一面係.....
***************************************
我知小貓係會好活潑，乜都覺得新奇有趣！
但素素.....
唉！佢真係實在太百厭了！
佢最中意而我最唔中意就係佢入廚房！
因為危險嘛！我地係半開放式，冇門，擋佢唔到。
於是入雪櫃、入焗爐、入洗衣機，總之佢去到的地方佢都中意入下去！
最驚係我廚房煮野食時，佢又會入黎八卦！佢唔夠高的話，又好聰明地找野踏腳再跳上來，甚至乎當我係棵樹咁，垂直吊住自己爬上我身上，再借力來跳去桌面！
一兩次幾有趣，但不斷咁爬就好煩，尤其我拿緊刀切野 / 開火煮野，好驚會整親佢！
我已經好惡咁話佢，再搬開佢；但有時唔係下下隻手方便搬開佢，因為可能拿緊刀、手濕等......但鬧又唔聽，激死我喇！
有時唯有關佢入房！以換取半刻寧靜！
*****************
仲有一次，我地係洗手間清潔，佢又入來八卦！
因為之前佢試過跳上廁板，點知果次洗完馬桶，開左蓋吹乾，佢一跳.......結果點？
咪成隻掉左入馬桶入面
，好彩洗乾淨晒，而佢又懂得撐住，否則.....都唔敢諗！但我地都真係睇到呆左....唔係誇張講笑，真係呆左2秒
，咁都得？真係估都冇估過貓會咁！佢好快已經自己爬番上來，但都濕左手手腳腳，然後.....梗係俾我地夾手夾腳捉住沖涼啦！
所以話佢個名可能改錯左，素素一D都唔優雅，百厭都傻左，每天都有新花款！激到阿清死。 ( 遲些再講佢兩個相處最新情況 )
個名可能咁黎～～～周圍掃晒D野去個個掃掃，哈哈 ！不過佢咁精靈真係好鬼死Q，屋企好有生氣呢～
回覆刪除[版主回覆01/22/2011 23:12:00]都係的，真係多左生氣，不過真係無時停囉！ 素素，掃掃，哈，可能佢真係誤會左自己個名。
好可愛呀!!!!!!!!!!!!!!!!!!!! 小貓是百厭的，要好小心看守和教導，特別是開洗衣機時一定要檢查她是否有入面呀!!!!!!!!!!!!!! danger!!
回覆刪除[版主回覆01/22/2011 23:11:00]唉，希望佢快d長大會定番d吧，我宜家開乜電器都望下佢地係邊先，好怕會生意外。
我地睇就好鬼可愛囉！ 你睇實佢就辛苦D！
回覆刪除[版主回覆01/22/2011 23:57:00]sunnyma，你....講中晒！
哈哈，素素好得意丫
回覆刪除[版主回覆01/22/2011 23:57:00]thx！不過真係百厭左些....
素素個樣好 SWEETIE , 真係甜死人. 小動物小時候真係特別好奇, 每事都想參與同看看主人們在做什麼, 有時見到佢地真係唔知激死定係笑死.
回覆刪除[版主回覆01/23/2011 00:05:00]係呀，有時動物真係好窩心的！
一路睇一路都覺得好好笑，好想讚佢cute！哈哈 但估唔到佢點可以入到雪櫃喎？ 無門既半開放式廚房，可唔可以好似我地咁整膠門呀？
回覆刪除[版主回覆01/25/2011 13:35:00]我咁多隻貓都未見過有貓好奇百厭同曳成咁架！ 我都有諗過，露台已經咁整左，好work，但廚房再睇睇先，希望遲些大少少會定番d，因為都幾大工程，板膠板都唔算平。
真係同奏小朋友一模一樣..都係甘辛苦,
回覆刪除[版主回覆01/25/2011 13:36:00]睇猴子咁！ 不過有時都幾開心的。
素素真係好百厭~ 我屋企個隻6歲喵喵,間唔中又係人地煲緊野個陣, 係個爐邊行來行去, 好似佢地係唔怕熱!
回覆刪除[版主回覆04/26/2011 23:56:00]照計貓貓怕熱的, 但唔知點解真係好似唔識死咁, 等旁人嚇餐死！ 你隻貓貓都好識嘆喎,中意暖爐！
個部唔係暖爐係焗爐來ga! 我屋企都係開放式廚房, 周不時有少少貓毛係廚檯面, 要勤力清潔~
回覆刪除[版主回覆04/27/2011 14:50:00]嘩！咁佢真係好夠膽！同埋真係你驚過佢..... 貓毛....對，成日清潔就係因為d毛！人地話養過貓的地方，即使搬走左十年都會找到貓毛！