某日買左好多blog友仔勁讚的邪惡腸黎試，拿出露台黎番個秋日微風早餐， ( 有幾日仲因為太曬 .... 嘻，因為訓到太陽上左中天先起身
.... 冇出到去 ) 
哈，宜家天寒地凍就諗下都唔好濟！
***********************************
又有日下午，拿左部notebook同凍飲出去曬住太陽黎寫blog，果刻覺得人生如此真係好正！
真希望從此唔使做，日日咁嘆世界！ ( 發夢ing.... )
見唔見我掛埋另一邊的竹簾了，拖左成兩個幾星期先肯做埋佢，幾咁忙.... 其實仲拿起埋個露台木做大清潔、上油咁
***********************************
呢日同媽媽煲完劇，兩條友出左去吹風、飲水食零食！
哈！真係好少可！
一齊照番張相留念先。
媽媽仲話估唔到幾棵草
影出黎又幾靚，好似花園咁，嘻！
***********************************
聖誕節都應節買左燈飾佈置下。
冇買到彩色燈仔，買左白色，襯埋上年係IKEA買的星星串，都OK襯。
不過有少少雜亂FEEL，嘻！
但懶得移開D花花再影，當做零亂美吧。幾真實丫。
半夜三更穿到好似夏天咁出露台乘涼，你話12月的天氣幾咁無常呢？
講起乘涼，我地成日因為鼻敏感出去呼吸下，新鮮空氣可以舒緩一下的，嘻，又要講句「有露台幾好！」，煩唔煩呀.....
****************************************
假期最後一日依然陽光普照，好唔捨得呀！
我都唔係淨係玩架，我有做家務的。
其實我都幾享受晾衫、洗地等工作，( 當然僅限自己屋企啦！ ) 清潔完見到一屋窗明几淨，兩隻貓貓可以好舒服咁訓係度曬太陽！嘩！果種滿足感真係無可比擬的。
晾衫三寶：衣夾、衣架、凳仔！
浩浩，你要努力了！
果刻覺得人生如此真係好正 -----> 我都feel 到正 !
回覆刪除[版主回覆01/09/2011 00:08:00]嘻！係呀！ 得快樂時且快樂！
係露台食早餐，真係正丫
回覆刪除[版主回覆01/09/2011 00:49:00]其實食午餐／晚餐／宵夜應該都好正，不過要好多野配合。可能等天氣暖番d再繼續。：）
有露台真係開揚, 我之前有都沒有利用, 只用了涼衣服, 現在無啦...很想有番, 見到你個露台, 很羨慕
回覆刪除[版主回覆01/09/2011 22:38:00]我昨晚先發現原來我很久前搞裝修時已去過你個blog度，我search田園家品時無意中見到你睡房個白色滕櫃，超中意，後來又見你張床，好靚，我都有參考架呢！
好鐘意你個露台，好有 feel！你真係花好多心思喺個露台度，好正呀！
回覆刪除[版主回覆01/09/2011 22:40:00]多謝你讚賞，好開心有人欣賞架！:)
你同老公都幾有夫妻相！
回覆刪除[版主回覆01/09/2011 22:41:00]嘻！未婚夫姐。:)不過好多人咁講，可能我們都眼細。^.^
好勁呀.善用露台
回覆刪除[版主回覆01/09/2011 22:43:00]當初就係對個露台一見傾心而選呢個屋苑。:)
係呀! 有露台真係好正架! 妳個露台都幾大架喎! 我地住村屋都一定有露台架, 晒衫、晒被好正架。
回覆刪除[版主回覆01/09/2011 22:48:00]發展商計盡數，足37呎！賺到盡，所以唔係人人中意。其實我妹都住村屋，我都好中意，尤其天台bbq種花都好正，不過另一半唔多like,唯有退而求其次囉。
原來係咁, 我地村屋個露台就大D, 雖然我冇天台, 不過我果款係大露台有成百幾呎架, 成35呎長, 所以我用左1/4嚟做儲物室, 另外1/4就要嚟晒衫籮。
回覆刪除[版主回覆01/09/2011 23:16:00]嘩！百幾尺！@.@~~仲可以儲物，好羨慕呢！
加你做我 blog 友先 ~
回覆刪除[版主回覆01/09/2011 23:29:00]我都add左你呢！：）
我買果陣都係鍾意個露台同埋我個房有成120呎, 又冇窗台, 實用率高D, 又唔駛搭 lift, 3伙人, 簡單D, 鄰居關係密切D。
回覆刪除[版主回覆01/10/2011 21:54:00]呢D又真係大廈樓好難有的。
你個露台好靚呀，d聖誕燈雖然唔多但好有氣氛。 個地板係你地自己整定係發展商包埋架？好有質感喎。
回覆刪除[版主回覆01/10/2011 21:58:00]多謝讚賞！ 個地板係我地自己度尺找人做的，當時都找左好多資料，花左好耐先整好，有興趣可睇下。 http://hk.myblog.yahoo.com/jw!oXKvyiOLBRIedrBAIMHmizRm/article?mid=993
你個露台好靚呀! 我好鐘意!
回覆刪除[版主回覆01/10/2011 21:58:00]多謝晒！真係開心有人欣賞的！
係架! 有時3更半夜都會有人送上美味嘅食物架, 最難忘係冬天有一大湯碗冬蔭功湯, 熱騰騰、辣辣嘅熱湯, 飲左週身暖晒, 好正呀!
回覆刪除[版主回覆01/10/2011 23:11:00]宜家大部份人識得晒果層樓果幾伙人已經好叻。 聽到都覺得SWEET呢！
真係幾好架, 大時大節又會幾埋一齊係花園聚餐, 一傾就到半夜(係d男人長氣)傾極都有話題架!
回覆刪除[版主回覆01/11/2011 09:11:00]花園聚餐 <--聽見到開心！ d男人長氣 <---真係估唔到‧...
總覺得村屋會好適合您地 考慮下買返間吧！
回覆刪除[版主回覆01/11/2011 13:57:00]以前從冇諗過住村屋，又唔係耕田，又驚蛇蟲鼠蟻，又驚夜偏僻冇車去、安全等等，不過身邊多左親友搬去村屋住，又發現村屋有佢吸引的地方。 同埋宜家D新型村屋都真係好靚，靚到好似別墅獨立屋咁添。 不過仲有好多野考慮的，維修、保養、按揭等，所以暫時都唔會住了。
你都好有心思去整個露台
回覆刪除露台個地台舖左木,好正
[版主回覆01/11/2011 14:30:00]THX，係呀！扮人地泰國渡假FEEL咁，本來有石仔添，不過清潔完未擺番回去。
朋友仔, 新年快樂啊!! 我都有在聖誕煮紅酒炆牛肋骨, 好鬼arm 啊!! hehe
回覆刪除[版主回覆01/11/2011 14:30:00]咦，真係好橋！ 或者我地心露相通呢！ 新年快樂！
我地條村d男人都係長舌公嚟架!
回覆刪除[版主回覆01/11/2011 14:31:00]嘻！好少見，佢地好珍貴！( 因為物以罕為貴！ )
向露台食早餐好浪漫呀~
回覆刪除好鍾意你個露台，佈置得好舒適呀！如果我有露台既話，我都會種好多好多植物架
[版主回覆01/12/2011 10:26:00]嘻，謝謝欣賞，最開心有人讚！ 向露台食早餐好浪漫呀~ <--我都覺，不過有人唔多明白囉。
因為大家關係好好, 同埋已經係好好嘅朋友嘞! 10幾年嚟都相安無事。
回覆刪除妳個樣好似係做老師咁呀!
[版主回覆01/12/2011 10:30:00]你係我其中一個聽住村屋的好好例子呢！ 妳個樣好似係做老師咁呀! <-- 嘻，咁都俾你估到！
真係估中! 我自己3個叻!叻!叻!
回覆刪除[版主回覆01/13/2011 00:03:00]我都俾你十個叻！ 不過係咪因為我個樣好悶 / 好惡呢！
惡! 拍馬都追唔上我啦!
回覆刪除好斯文、好有書卷味、同埋呢張相就好似家長日果d老師咁呀!
[版主回覆01/13/2011 09:20:00]多謝靚媽媽你讚賞了，冇化妝個樣其實真係有少少嚇人，失禮晒。
點會呢! 幾靚女呀!
回覆刪除[版主回覆01/13/2011 14:06:00](Empty)
記得使用 暖暖包 之前要隔一層衣服!
回覆刪除