咁橋又到番佢特價，6折，好開心！
有大有細，可以玩煲中煲！
回來即刻拿隻大的出來！
放入去，18 in 26。
雖然之前係shop都試過，但用屋企自己個去試，依然好緊張.....
Yeah！蓋得好好，沒有縫隙！中間仲墊左煲墊添！
安樂晒！等買好料便可擇日開煲！
哈！太開心！影下影下忍唔住拿埋幾隻煲一齊影合照！
有外在美，又有內在美！
真係好鬼中意佢地！
(Caribbean因要放入煲入面，唔換「的」了，黑色比銀色細少少的。)
再興奮D，拿埋其他LC野出來影先，嘻！
其實相比起其他FANS，我其實唔算多呀 ，不過我好中意佢地呢！
午後陽光好靚，當然貓貓們唔會由得我自己開心，一定過黎搞埋一份！( 遲D先再講素素幾咁曳！)
LC，人地話廚房的LV，買下買下原來都買左唔少，但我唔買LV的，同埋呢D可以變出咁多美食，我覺得抵番晒！( 最重要係呢度咁多都唔使一個LV的價呢！)
另外，之前係10蚊店買左呢個文件TRAY放隻PAN，打直放慳好多位！
後來見到有好多色添，不過算啦，收埋櫃入面都睇唔到的，實用重要D。
*****************************************
同場加映
嘻，買比朋友仔的入伙禮物，22cm Dijon，呢個SIZE變化多D，隻色就襯番佢家中勁多的黃色鴨鴨。
不過唔買唔知，原來呢隻size的芥末黃淨係得旗艦店有，之前唔知，去左SOGO同CITY CUPER都冇，旗艦店都去左兩次先買到呢！
太靚，忍唔住借左黎影張相先。
好靚呀!! 你又可以整煲中煲呀!!!!!!!!!!!!!!!!!!!
回覆刪除[版主回覆01/16/2011 22:27:00]係呀！個個都玩得咁開心！ 終於都可以一齊玩了！
唔少架啦...買下買下就越黎越多.... 18 in 26 >>>> 我都成日甘做架....
回覆刪除[版主回覆01/17/2011 09:10:00]已經越買越多ing了.... 我就係見你成日玩得咁開心，先更加決心試下呢！
有promotion嗎? 點架點架, 快d 講多d 啦
回覆刪除心急人上
[版主回覆01/17/2011 15:46:00]其實都冇特別大promotion，不過今個月好似特別多產品特價，18,22,24,26,28圓煲、29, 31oval都有折，所有產品的紅色又6折喎....咁橋又想買，就買左 我第一次有得吸印仔咋，之前都唔知原來有得儲印仔....蝕晒！
引c人, 我都鍾意 這隻籃色, 不過無14cm, 得16cm 起...我想買多個 14cm 的, 想買 midlight blue 16 cm , 無貨....18cm 立即貴很多, 很唔抵咁, 所以2隻都沒有買.
回覆刪除[版主回覆01/17/2011 16:04:00]係呀，我都掙扎左好耐16定18好，因為擔心18放唔入屋企個26度，而且16抵好多.....不過.....因為我諗住燉野，如果16驚放完料水會好少，所以都係prefer18多d，好彩放得入咋。 14你會點用架，我覺得好細，不過好可愛！係咪一人一鍋？
嘩!! 個黃色真係好鬼襯她, 我估佢一定勁喜歡.
回覆刪除我而家等緊LC 開倉, 我想買煲呢.
[版主回覆01/17/2011 18:57:00]嘻，希望啦。 開倉買真係抵，我果時都等左成3個月先開，等多陣啦，好似3月左右又會有....不過開倉要早去排隊，同未必有想要的色囉....
黃色同加勒比藍都係我心水！ 係咪only旗艦店先有得吸印仔呢？我上次買marmite都吸咗，仲爭兩個就有禮物啦！
回覆刪除[版主回覆01/17/2011 19:02:00]哥哥仔同blog友仔都話其他地方都可以吸，之前d我冇吸，蝕晒！ 不過換禮物就要去番旗艦店，我都可以換第一個200蚊同禮物仔，不過未有野想買，遲些諗到先去換。
我都超鍾意LC，真係好好用
回覆刪除[版主回覆01/17/2011 21:32:00]佢真係好好用，又靚，抵佢fans咁多！
真係好主意呀
回覆刪除[版主回覆01/18/2011 11:35:00]嘻，thx！
你成個LC collection D色襯埋好和諧好靚呀~呢張好似賣廣告咁靚
回覆刪除[版主回覆01/18/2011 15:38:00]嘻，thx！ 放埋先知自己都偏愛某d色調。 其實係LC的東西實在太靚，點放都靚姐...
想問下你有無留LC 的盒呀..
回覆刪除[版主回覆01/18/2011 21:10:00]有留呀，剛剛放得埋一起。不過煎pan個盒掉左，很後悔呢！
都唔明18貴16咁多。等妳煲中煲篇
回覆刪除[版主回覆01/19/2011 08:22:00]咪係，以前18都係try me系列，900左右，後來有16同14，18就越來越貴！以前買落就升值了。
我隻Gu貓都係咁, 八八掛掛
回覆刪除[版主回覆01/19/2011 09:49:00]貓貓的好奇心真的無限，有時真係好可愛 ，但有時又真係激C人！
18cm 6折即係幾多錢呀?? 我9號先買左個18cm要$1188.... 仲要係普通色... 嗚~嗚~嗚~嗚~
回覆刪除[版主回覆01/19/2011 20:36:00]唔使擔心，6折咪係1188囉。 不過我係sogo買用sogo咭先多5%；最近hsbc做緊promote，如果係city super可最少有多8%，但sity super冇呢隻藍。 不過其實18cm價錢相對小，咁折埋都只係相差都幾廿蚊而已，所以都唔使唔開心。 你買左咩色呀？準備煮乜野呢？
我係citysuper買左cobalt blue呀... 用hsbc我有less 9%添.... .. ... 都怪自己太心急, 無去sogo睇下... ... 早知sogo有caribbean, 我都買呢隻色color, 超like呀.. 我都有sogo card都係比多幾十蚊... 激氣!!
回覆刪除我都有26... 都係用黎燉湯囉..... 18cm大d先放到多d料多d湯嘛..... .... 不過而家都未開齋.... .. : p
[版主回覆01/20/2011 12:46:00]咁橋的，我地都可以放18落26入面燉野呢！ 我都未諗到燉咩好，只係整左兩次煲仔飯，等閒share下丫。
我買咁多次都無人吸過印仔比我呀! 終於上星期問咗, 如果有儲單可以拎去Sogo吸返!
回覆刪除[版主回覆01/20/2011 16:33:00]真的？我都有keep單的喎！找日拿番晒出來去試下先！希望可以吸番就好了。連卡佛唔知得唔得呢？
好好好鐘意呀，多謝晒，超襯我屋企呢～哈哈，你地真係有心思
回覆刪除[版主回覆01/20/2011 16:33:00]你努力用多d喎！