本來諗住呢個細煲開煲會係煲中煲燉品添,點知天寒地凍晨早流流都未得閒去買料,已經忍唔住係雪櫃找晒可以用的材料煮左個早飯,第一煲就俾左煲仔飯了!
其實很久沒入貨,屋企除左乾貨,接近清倉的階段,肉類只係得雞翼。
做法:
1) 浸米;冬菇浸軟、切片;雞翼解凍;
2) 冬菇與雞翼以豉油、麻油、胡椒、糖、鹽,略醃。
3) 水同米以1:1比例,中火煲滾,收細火煮到雞眼泡,放料係面,蓋上蓋細火煮多5分鐘,焗15分鐘。
4) 加蔥同甜豉油再焗2分鐘,食得!
(上面張相重點除左個煲,其實係D蔥!因為係我係露台即刻剪下來的!終於有得佢出場了!)
熱辣辣煲仔飯!凍冰冰的天氣食,好正!好暖胃!
18cm煮兩人的煲仔飯原來真係好 FIT!個量剛剛好!
GREAT !! 你種唔種乾葱呀 ?? 我有啲擺到發咗芽呀.
回覆刪除[版主回覆01/17/2011 16:05:00]乾蔥即係咩?
係咪即係紅葱頭呀?
回覆刪除[版主回覆01/17/2011 18:54:00]哦...咁又好喎,雪怡係咪有呀?
哈哈,我呢排都成日用LC煮煲仔飯
回覆刪除[版主回覆01/23/2011 19:45:00]我跟你整左白鱔煲仔飯呢!
影黎睇下丫
回覆刪除[版主回覆01/23/2011 22:07:00]嘻,POST左了。