早幾日放工經過惠康,入去諗住買D野整黎食,見到火鍋櫃有鱔片,諗起BLOG友仔OLI之前的白鱔煲仔飯,於是心動下便買左,呢幾日咁凍,煲仔飯係快靚正之選!
因為係火鍋包的關係,已經切好晒,唔使搞汆水去滑等步驟,都幾方便,但兩包4X,唔平。
用糖、生抽、麻油、胡椒、生粉、蒜蓉、豆豉、薑絲略醃,中火煲米,水滾收細火,收水放白鱔,煲多8分鐘,熄火焗10分鐘。加蔥、甜豉油再焗1分鐘,食得!
真係好好味!加左個蠔油生菜添!我極愛食白鱔,不過原來浩浩對鱔一般,都好,唔係唔食。( 佢有太多野唔食!尤其我中意果D,好多佢都唔中意!好煩! )
另附兩隻百厭兼為食貓之罪證!
每逢我煮野,兩隻野就入來搞搞震,以為有得分!
激死我!
嘩嘩,妳煲飯仲吸引丫
回覆刪除[版主回覆01/23/2011 22:06:00]我都係跟你整咋!
我LIKE白鱔,但老公唔食
回覆刪除你2隻貓咪好曳呀
[版主回覆01/23/2011 22:50:00]係呀!佢地最近真係好曳!激死我!
禾都like白鱔架, 不過只會買超市切片既, 成"睩"既唔識攪... ps. 貓地勁可愛, 大既教細既去曳曳~~
回覆刪除[版主回覆01/24/2011 20:28:00]嘻,眞係方便好多!
大貓以前唔會咁,宜家唔知咩化學作用,一齊曳!
你隻貓咁攬野, 跳入sink盆度, 好嬲又好笑!!
回覆刪除[版主回覆01/26/2011 23:37:00]係喎!好彩乾的,如果濕我就一定發火鬧左佢地了!
白鱔真係好貴,成$80斤,我平時買半條都要八十幾蚊! 其實喺街市買嗰啲都唔駛點搞,賣魚佬會幫你洗埋,切埋!
回覆刪除[版主回覆01/26/2011 23:38:00]你咁講落,我又好似聽阿媽講過,不過回來都要跟一跟,但都好過以前乜都要自己搞。