睇樓：新屯門中心

中午去左同屯門之友飲茶，最近cc地賣左佢間上雜誌的居屋，諗住轉私樓，呢個係我超讚成的！不竟樓宜家除左自住仲係保值的，難得價錢好咪賺左先，升左呢點都好過得個諗！

12個人飲茶傾下講下都好開心，跟住仲跟埋去八卦睇樓，一行九人睇樓團！咁多人一齊睇樓真係第一次，個哥哥仔都話第一次見，不過佢唔介意，我地都識做，有人住的我地就唔一齊入，吉屋先入去好好評論下。


睇左幾個單位，最低19樓，最高41樓。

對於呢個屯門最平新鴻基大屋苑有以下感想。

1) 自住真係住得過，環境清靜，樓與樓之間闊落夠疏，入面四四正正，實用率都高。

2) 有花園平台設計，好好風，有花有草好舒服！不過番工要行同轉電梯，趕時間死梗！

3) 不過十字型舊樓設計，戶戶廳都與鄰居為鄰。

4) 21年樓，但依然新淨，管理唔錯，大堂走廊唔係富麗堂皇果d，但實用乾淨。

5) 舊樓型，樓底高度一般，上排有氣窗，窗台偏高，半腰左右，令窗相對較細，幸好夠闊，室內光猛。

6) 有泳池，冇會所，但相對管理費超平，6xx呎 $4xx，同居屋咁上下價！話晒新鴻基樓，去邊找！

7) 可養寵物。

8) 舊式樓數足，冇話4, 13, 14, 24, 34, 44等樓層冇左，再加下面車廠、商場等，比其他樓高好多，又位處屯門河出海位，外圍單位景觀超正，就算望龍門居方向，因為高，30樓已經望人地天台，好開揚！

9) 細單位5xx同6xx都係170-210左右，據一直睇緊的cc地講，每星期都升緊，所以佢地都加快速度，以免再遲些買唔到。


最印象深刻係41樓 ( 最高45樓 ) ，望出去超靚。

廳

房

等我又計下我的包租婆大計先！


不過回來睇floorpaln先發現佢的廚房唔可以打通的。